5-7 ოქტომბერს, საქართველოში აშშ-ის მაღალი თანამდებობის პირი ჩამოდის. შეიარაღებაზე კონტროლისა და საერთაშორისო უსაფრთხოების საკითხებში აშშ-ის სახელმწიფო მდივნის მოადგილე ბონი ჯენკინსი თბილისში, კონფერენციაში მიიღებს მონაწილეობას.
როგორც აშშ-ის სახელმწიფო დეპარტამენტში აცხადებენ, კონფერენცია ბიოუსაფრთხოებას მიეძღვნება
“შეიარაღებაზე კონტროლისა და საერთაშორისო უსაფრთხოების საკითხებში მდივნის მოადგილე ბონი დ. ჯენკინსი თბილისს 5-7 ოქტომბერს ეწვევა. თბილისში ყოფნისას, იგი გახსნის და ძირითად დაკვირვებებს გამოთქვამს ბიოუსაფრთხოების ასოციაციის ცენტრალური აზიისა და კავკასიის რეგიონის კონფერენციაზე COVID-19-დან მიღებული გაკვეთილების შესახებ. მდივნის მოადგილე ასევე დაესწრება ორმხრივ შეხვედრებს” , – აღნიშნულია სახელმწიფო დეპარტამენტის განცხადებაში.
ღონისძიების ერთ-ერთი ჩართული მხარე დაავადებათა კონტროლისა და საზოგადოებრივი ჯანდაცვის ეროვნული ცენტრია.
